mai 28

Dalsfjordvegen 4258 solgt

Foto: Kragset Eigedomsmekling

Huset i dalsfjordvegen 4258 er selt før visning oppgir Kragset eigedomsmekling på sine sider. Visning er derfor avlyst.

Ellers kan det jo nemnast at det fortsatt er ledige tomter i byggefeltet til svært gunstige prisar

Permalenke til denne artikkelen: http://www.trehesten.com/2017/05/28/dalsfjordvegen-4258-solgt/

mai 20

Hus til sals på Folkestad

Foto: Kragset Eigedomsmekling

Dalsfjordvegen 4258.

Innhaldsrikt og svært sentralt hus på Folkestad er lagt ut for salg. Ligg rett ved sida av ferjekaia. kort gangavstand til skule, barnehage og butikk.

Huset har heile 5 soverom, og er perfekt for familier med fleire barn. 

Visning 30 mai klokka 1700-1800

Hus til sals

 

Permalenke til denne artikkelen: http://www.trehesten.com/2017/05/20/hus-sals-pa-folkestad/

mai 14

17 mai feiring

17 mai 2008

Folkestad:

1345 Tale ved bautaen, ved Veronika Flote

1410 Oppstilling Folketoget

1420 Folketog 

1500 Idrettsleikar

1600 Folkefest (Talar Inger Anne Kvamme)

Sal av mat frå 1500.

 

Straumshamn:

1215 Gudsteneste Kilsfjord kyrkje

1330 Folketog frå kyrkja

1400 Folkefest Kilsfjord Grendahus (Talar Kirsti Følsvik)

Sal av middag, kake og kaffi

Permalenke til denne artikkelen: http://www.trehesten.com/2017/05/14/17-mai-feiring/

mai 12

Kampreferat Folkestad – Aksla J16

Torsdag kveld fekk Folkestad J16 besøk frå fjorårets kretsmeisterar, Aksla.

Aksla har eit sterkt jentelag og det var forventa at dei skulle styre mykje av denne kampen.
Kampen starta jamnt, og begge lag spelte bra fotball utan at det kom til dei store sjansane.
Men på eit hjørnespark fekk Aksla rota ballen i mål, og tok leiinga.
Folkestadjentene prøvde å svare og kom til nokre gode sjansar.  Dessverre var ikkje marginane på deira side.
I staden tok Aksla leiinga 2-0 og 3-0 mot slutten av omgangen.

2. Omgang
Omgangen starta forrykande frå Folkestad sine flinke jenter.
Tuva vart spelt fram på høgre side og fekk til eit godt innlegg.  Den ekspederte Andrea i målet bak ein forfjamsa Aksla-keeper.
Jentene frå Fjellstua kom nok litt på defensiven etter dette og Folkestad trykka på.
Det var svært fortjent at Tuva trilla inn Folkestad sitt andre mål for dagen.
Etter dette gjorde Akslalaget ei lita justering og då kom det eit mål nesten ut av ingenting og dei gjekk opp i ny tomålsleiing.
Det var tydelig at Folkestad sine jenter hadde fått trua på poeng, og dei fortsette med det fine spelet.
Stephanie kjempa inn endå eit mål til Folkestad og dei hadde nærma seg i målprotokollen endå ein gong.
Forsvarsspelet sat godt og etter ein kanonade mot Akslamålet sette Andrea inn utligninga, eit knallskot med venstra etter fint kombinasjonsspel med Ingrid.
Det seiest at etter mål kjem det mål, og ordtaket er vèl i behald etter denne kampen.  Det gjekk ikkje meir enn eit minutt så hadde Aksla igjen teke leiinga 5-4.
Folkestad sine jenter kjempa på, men då dommaren bles av kampen var dei framleis det eine målet bak Aksla.

Trass tap, var det fornøgde jenter som gjekk av bana.
Folkestad hadde fortjent poeng i dag, og heile laget skal ha skryt for god innsats og fin fotball.
Dei møtte eit av Sunnmøres beste jentelag og viste seg å være minst like gode.

Permalenke til denne artikkelen: http://www.trehesten.com/2017/05/12/kampreferat-folkestad-aksla-j16/

Eldre innlegg «